Njësia për Inteligjencë Financiare e Kosovës
është institucion qendror i pavarur kombëtar përgjegjës për kërkimin, marrjen, analizimin dhe shpërndarjen tek autoritet kompetente dhe bërjen publike të informacionit në lidhje me pastrimin potencial të parave dhe financimin e terrorizmit.
Misioni
Roli dhe Funksioni
Menaxhmenti
Njësia për Inteligjencë Financiare e Kosovës është institucion qendror i pavarur kombëtar përgjegjës për kërkimin, marrjen, analizimin dhe shpërndarjen tek autoritet kompetente dhe bërjen publike të informacionit në lidhje me pastrimin potencial të parave dhe financimin e terrorizmit.
Misioni i Njësisë për Inteligjencë Financiare është që nëpërmjet mandatit të saj të përcaktuar ligjor, të jetë udhëheqëse në përmirësimin e sistemit të gjithëmbarshëm vendor në parandalimin dhe luftimin e pastrimit të parave dhe financimin e terrorizmit në nivel kombëtar.Funksionimi i mirëfilltë i këtij sistemi, nëpërmjet bashkëpunimit të ngushtë ndërinstitucional dhe aktiviteteve të Njësisë për Inteligjencë Financiare është objektiv kryesor i NJIF-K.
Funksionet kryesore të NJIF-K janë:
Kërkimi, marrja, dhe analizimin i aktiviteteve/transaksioneve të dyshimta (RTD), raporteve të parave në të gatshme (RTG) dhe informatave nga burimet tjera në lidhje me dyshim për pastrimin e parave dhe financimin e terrorizmit;
Shpërndarjen e informatave në lidhje me dyshimin për pastrim të parave dhe financim të terrorizmit tek autoritetet kompetente për hetime të mëtutjeshme;
Mbikëqyrja dhe inspektimi i subjekteve raportuese për të siguruar pajtueshmërinë me obligimet e raportimit dhe ruajtjes së shënimeve;
Shkëmbimi i informatave dhe bashkëpunimi me FIU homologe në juridiksionet tjera dhe me autoritetet tjera të mbikëqyrjes dhe hetimeve;
Trajnime për subjektet raportuese dhe autoritetet tjera të hetuesisë dhe personelit të mbikëqyrjes së pajtueshmërisë;
Të hartojë statistika dhe raporte dhe pas kësaj t’i bëj rekomandime Ministrisë së Financave, Ministrisë së Drejtësisë, Policisë, Doganave të Kosovës dhe/ose personave apo organeve të tjera, në lidhje me masat që duhet të merren dhe legjislacionin që duhet të miratohet për të luftuar pastrimin e parave dhe financimin e aktiviteteve terroriste; dhe
Aplikimi i sanksioneve administrative për mos – pajtueshmëri nga subjektet raportuese
Bordin Mbikqyrës i Njësisë për Inteligjencë Financiare të Kosovës
Bordin Mbikqyrës i Njësisë për Inteligjencë Financiare të Kosovës është themeluar me Ligjin Nr. 05/L-096 për Parandalimin e Pastrimit të Parave dhe Luftimin e Financimit të Terrorizmit dhe anëtarë të tij ex officio janë:
Ministri i Financave, i cili shërben në cilësinë e Kryetarit të Bordit, Ministri i Punëve të Brendshme, Kryeprokurori I Kosovës, Drejtori i Përgjithshëm i Policisë, Drejtori i Administratës Tatimore, Drejtori i Përgjithshëm i Doganave të Kosovës, Guvernatori i Bankës Qendrore të Republikës së Kosovës.
Bordi Mbikëqyrës siguron pavarësinë e NJIF-K, mirëpo nuk ka fuqi ekzekutive ose zbatimi kundrejt NJIF-K dhe nuk ka të drejtë që të ndërhyjë në asnjë mënyrë në çështjet në proces të NJIF-K.
NJIF-K së bashku me institucionet dhe organet tjera në Kosovë obligohen të bashkëpunojnë në mënyrë reciproke, të ndihmojnë njëra tjetrën gjatë kryerjes së detyrave të tyre si dhe t’i koordinojnë aktivitet në kuadër të kompetencave të tyre në pajtueshmëri me ligjet e aplikueshme në luftën për parandalimin dhe luftimin e shpëlarjes së parave dhe financimin e terrorizmit, dhe kjo e ka shtyrë edhe më tepër NJIF-K për të vazhduar edhe më tepër bashkëpunimin intenziv me institucionet tjera të zbatimit të ligjit duke pas rritje të shkëmbimit të informatave dhe përvojave në mes institucionve të drejtuara në mënyrën e të kuptuarit të verpës penale të pastrimit të parave dhe financimit të terrorizmit dhe veprave tjera të ndërlidhura me qëllim të rritjes së efikasitetit për mbledhjen indirekte të provave përmes metodave dhe praktikave ndërkombtarisht të përdorura për luftimin e atyre dukurive negative.
Një fokus i veqantë i punës me sektorin publik i është kushtuar edhe vazhdimi i mbajtjes së trajnimeve dhe prezantimeve nga stafi i njësisë, ku në bashkëpunim me Institutin kundër Krimeve Ekonomike dhe Institutin Gjyqësor të Kosovës dhe mbështetur nga Projekti i BE B&S, gjatë kësaj periudhe raportuese janë mbajtur 10 trajnime në të cilat janë trajnuar mbi 300 zyrtar të institucioneve të zbatimit të ligjit në lidhje me Teknikat e Hetimeve Finaciare, Kodin Penal dhe Kodin e procedures penale, Parandalimi i PP/FT, financimi i terrorizmit, konfiskimi i aseteve, luftimi i korrupsionit, Percjell Paratë, Ndjekja e Pasurive dhe Konfiskimi etj.
Fenomeni i pastrimit të parave karakterizohet nga fakti se, në shumicën e rasteve, pastrimi i parave gjithnjë e më tepër është duke i prekur shumicën e vendeve të botës dhe njëherit duke i kaluar në shumicën e rasteve kufijt nacional dhe ata tej oqeanik. Për këtë arsye, shkëmbimi ndërkombëtar i informacionit në mënyrë intensive dhe efikase do të ketë impakt pozitiv në luftën kundër këtyre fenomeneve negative.
Ligji PPP/ PFT i jep mandat NJIF-K që spontanisht ose me anë të kërkesës, të ndajë informacionet me çdo agjenci homologe të huaj që kryen funksione dhe i nënshtrohen obligimeve të ngjashme për ruajtjen e konfidencialitetit, pavarësisht nga natyra e agjencisë e cila i nënshtrohet reciprocitetit. Informacioni i ofruar përdoret vetëm me miratimin e agjencisë dhe vetëm për qëllime të luftimit të shpërlarjes së parave, të veprave të ndërlidhura penale dhe të financimit të terrorizmit.
NJIF-ja është në gjendje për të shkëmbyer ndërkombëtarisht të gjitha informatat që mund të jenë të arritshme apo të mundura direkt ose indirekt nga NjIF.
