Më 22 dhe 23 mars 2024, NJIF-K në mbështetje dhe në bashkëpunim të projektit të përbashkët i Bashkimit Evropian dhe Këshillit të Evropës kundër Krimit Ekonomik (PECK III) organizuan dy seminare të njëpasnjëshme që synonin të rrisin ndërgjegjësimin për zbatimin e sanksioneve financiare të synuara (TFS).
Përfaqësuesit e 10 kompanive të lizingut dhe transfertave të parave dhe 32 noterë u njohën me standardet ndërkombëtare, përkatësisht rezolutat 1267 dhe 1373 të Këshillit të Sigurimit të Kombeve të Bashkuara, dhe veçoritë e Rekomandimeve 6 dhe 7 të Task Forcës së Veprimit Financiar.
Pjesëmarrësit përfituan nga prezantimet dhe diskutimet me ekspertët e Këshillit të Evropës mbi elementët kryesorë të një regjimi të fortë TFS, duke përfshirë rregullimet institucionale për identifikimin dhe përcaktimin e personave ose subjekteve, proceset e duhura për rishikimin, ç’listimin dhe ngrirjen dhe ngrirjen dhe ndalimin e fondeve ose aseteve të tjera të personave ose subjekteve të përcaktuara. Për më tepër, përmes punës në grup dhe studimeve të rasteve, pjesëmarrësit patën mundësinë të mësojnë praktikisht për rolin e tyre në zbatimin e TFS-së dhe morën udhëzime për veprimet që duhen ndërmarrë në lidhje me mekanizmin ekzistues kombëtar, ngrirjen e fondeve dhe burimeve ekonomike, raportimin, listimin dhe procedurat e heqjes nga lista.
Seminaret organizohen pas miratimit të Ligjit për sanksione financiare ndërkombëtare të synuara dhe tre akteve nënligjore pasuese të përgatitura me mbështetjen thelbësore të ofruar në kuadër të PECK III.
